كريم الصوفي – كود//
[email protected]
قالت تقارير إسبانية، أن المحكمة الوطنية الإسبانية، المختصة بالنظر في قضايا الإرهاب والجريمة المنظمة أمرات، مؤخرا، بإرجاع محجوزات ديال جريمة برشلونة 2017، لمتهم مغربي وصفو الاعلام الاسباني بالشبح.
واضافت التقارير ذاتها، أن المتهم “الشبح” غادي يتوصل بمبلغ 15 ألف يورو وبيسيات وايصالات وشيكات وعدد من الحويجات اللي حجزوها البوليس خلال بداية التحقيق ف ملابسات الجريمة الارهابية اللي خلفات مقتل 16 ضحية، بعد ما تعرضو للدهس عمدا ف شارع لارامبلا بمدينة برشلونة.
المتهم الشبح هو مغربي عند محل تجاري تم اعتقالو مدة 5 أيام بموجب قانون مكافحة الارهاب وفي الاخير ما لقاو عندو حتى علاقة المتورطين الاساسيين اللي شراو من المحل ديالو تذاكر للسفر للمغرب وبلجيكا وهاذ الشي خلا البوليس يشتبهو ف علاقتو مع الارهابيين المسؤولين عن تنفيذ جريمة الدهس ف برشلونة.
