إعداد وتصوير: عفراء علوي محمدي – كود//
كان من المرتقب تكون اليوم وقفة احتجاجية للتضامن مع أسرة الطفل عدنان اللي مات مقتول على يد بيدوفيل غتاصبو ووضع حد لحياتو، ودفنو، لكن ماجا ليها حد، باستثناء ناس قلال من المجتمع المدني.
عبد الله العمراني، من جمعية الأنوار، عبر فتصريحو للصحافة على الغضب ديالو لموت عدنان، وقال ان الدول اللي كتطبق العدالة كتطبق حكومة الإعدام، وقال ان بعض الدول الأوروبية اللي لغاتها أو غادية فطور إلغاءها ماشي عادلة، وحتى المغرب باعتبارو واخا كيحكم بالإعدام مكيطبقوش.
من جهة أخرى برر الجمعوي على غياب الزملاء ديالو فالوقفة اللي كان من المقرر تكون اليوم بحكم انتشار فيروس كورونا المستجد.
وعبد الكبير نبير، رئيس الشبكة الوطنية لحقوق الإنسان بجهة كازا سطات، كان عندو امل باش يجيو اىزملاء ديالو، وقال انه “جا باش يضمن صوتو لباقي الجمعويين اللي مع إعدام الجاني”، لكن ما جا حد.
وقال نبير أن هذ الجريمة أثرات فالمغاربة جميع، وأن الجاني يستحق أقصى العقوبات.
وهذ الخقوقيين القلال اللي جاو بمجرد ما شافو القضية خاوية مشاو فحالهمد وما رفعو حتى شعار.
