ف بيان مشترك نشرو البيت الأبيض.. المريكان و17 دولة اخرى كيطالبو بالإفراج الفوري على كاع الرهائن للي ف غزة
كود – وكالات //
الرئيس التركي رجب طيب أردوكَان، دار الضحك فراسو، من بعد ما تلاقا ضحايا الفيضانات فمدينة ريزا شمال شرق تركيا، وعوض ما يلقى ليهم الحل لمشاكلهم، كَلس يفرق عليه أتاي، باش يسكتهم.
هذ الحركة غير المدروسة، والشعبوية ديال الرئيس الخوانجي، جبدات عليه غير الصداع مع المتضررين، خصوصا وأنه كان كايلوح ليهم خناشي أتاي من الفوق، بطريقة فيها تكبر واحتقار وعدم احترام للناس اللي عايشين المأساة فهاد المنطقة المتضررة، فالوقت اللي كان خصو يوقف معاهم فالمحنة ديالهم.
وانتاشرات فيديوهات كثيرة فمواقع التواصل الاجتماعي على هاد الشوهة ديال أردوكَان وهو كايفرق أتاي، وعرفات سخرية كبيرة من جهة، واستنكار وغضب من جهة ثانية.
وكانت الشتا طاحت مجهدة ف منطقة ريزا هاد الأيام، تسببات فـ فيضانات اللي خلفات خسائر فالأرواح، ب3 وفيات وإصابة العشرات، كيف لحقات أضرار مادية.