نجوى المالحي-كود//

الشطاحة مريم المعروفة ب”مايا” بدات الاستعدادات باش تدعي أي واحد سبها أو سب المغرب ولا حرض على بلادنا.

مايا حطات البارح الخبر في صفحتها على انستكرام فيه تصريح ديال محامي كيقول أن أي واحد ‘سبك ولا سب لبلاد ولا كيحرض ضد بلادنا من حقك تصور الكونط ديالو والتعليق وتقاضيه”.

المزابية لي ديما تابعينها الانتقادات قالت “A l’attaque” مع ضحكة كبيرة.

مايا واخا كلامها ماشي ديما فمحلو، وكيكون بزاف ديال المرات متناقض مع الصورة الحداثية لي كتقدم، عندها الشن طن وديما كتدوي فاص.