نجوى المالحي-كود//

الشطاحة مريم المشهورة بمايا مسافرة بوحدها لجزيرة بونتا كانا وعايشة الحياة بعيدا عن الجو البارد لي كاين في المغرب ومجموعة من الدول الأوروبية.

مايا قالت البارح الأربعاء في “لايف” على انستكَرام أنها كتفكر دير مسابقة وتختار شخص لي يسافر معاها وقالت من الشروط الأساسية يكون بوكوص وقاري وواعي، هي تخلص جميع المصاريف وفي الليل كل واحد ينعس في بيت بوحدو حيت مبقاتش حاملة لي ينعس حداها ويشخر ويحزق، من بعد التجارب لي عاشت في 4 تزويجات ديالها.

وأضافت مايا أنها ماكرهاتش لي يربح يكون مثلي جنسيا لأنهم ضحوكيين وعزيز عليهم التقشاب وأهم حاجة مغاديش يطمعو فيها واخة دور حداهم بالكيلوط.

وأكدات مايا أن عندها بزاف ديال صحابها مثليين جنسيا وأنها كتحماق عليهم وعزاز عليها لدرجة ميمكن لحتى واحد يتخيلها.