كود عن “لوبسيرفاتور دي ماروك ودافريك” ////

سعد الدين العثماني واش مازال صالح” للمغرب. هذا هو العنوان ديال غلاف المجلة الاسبوعية “لوبسرڤاتور دي ماروك ودافريك”. فيه باللي هاد رئيس الحكومة الحالي ما يمكنش دير معاه انقاذ للمغرب من تبعات هاد الجايحة. في افتتاحية لمولاي احمد الشرعي بعنوان “خاصنا كوموندو” تحدث عن الحاجة الى من ينقذ البلاد

بالنسبة للكاتب الصحافي فان “الحكومة الحالية ما قادراش” لا على المدى القصير اي غدا ولا على المدى المتوسط ولا على المدى البعيد تقدم حلول لتبعات هاد الازمة. ما يمكنش ليها تتصور موديل جديد ماشي غير للتنمية بل للمجتمع ياخد بعين الاعتبار التحولات اللي واقعة فالعالم.

مولاي احمد الشرعي اكد ان هاد الحكومة ما تقدرش على ابداع هاد الحلول حقاش مادياها فالحسابات السياسوية وما عندهاش الاطر المنافسة اللي تقدر تخرج لبلاد من المشاكل اللي تبسبات فيها “كورونا فيروس”. واضاف ان الحل هو “حكومة تقنوقراط لعامين. يكون عند هاد الحكومة هدف واحد. انقاذ ما يمكن انقاذه ودير اقلاع للاقتصاد وتحرك عجلتو اللي واقفة”ودعا ناشر المجلة الاحزاب السياسية الى دعم هاد المقترح والتركيز على اعداد انتخابات 2022. هاد المرحلة غادية تكون غير قوس فالحياة السياسية٬ يختم مولاي احمد الشرعي. غير هو حيوي.