نجوى المالحي-كود//

من بعد الحجر الصحي لي مفروض بسبب كورونا بزاف ديال الناس اختارو يبداو يديرو الرياضة في الدار باش يحاربو الملل ويخرجو الطاقة السلبية ويرجعو الحيوية والنشاط.

ومن بين الناس لي شاركو فيديوهات ديال الرياضة في الدار، الشطاحة مريم المعروفة بلقب مايا، لكن هي اعتمدت على طريقة مختالفة ودارت الرياضة على أنغام وايقاعات الشعبي والركَادة.

ولأن الشعبي كيعني النشاط، فيديو مايا تبارطاجا بزاف، وبزاف ديال التعاليق قالو ليها أن السبور بالشعبي عندو نكهة خاصة، والبارح بدلات الايقاع ودارت الركَادة.