كود سبور//

كيستمر غياب عبد الرزاق حمد الله لاعب اتحاد جدة السعودي عن صفوف المنتخب الوطني المغربي لحوالي 3 سنين. ابا، وغاب حتى من لائحة الناخب الوطني الجديد وليد الركراكي اللي اعلن عليها اليوم الاثنين، استعدادا لمواجهة الشيلي الباراغواي وديا.

وليد الركراكي دافع على الاختيارات ديالو وبرر غياب حمد الله على لائحة المنتخب الوطني المغربي وقال: “تواصلت مع عبد الرزاق حمد الله، كان متوقف لمدة 4 أشهر مع الفريق ديالو، كاين بزاف ديال اللعابا كيستحقو المنتخب وهو واحد منهم، خاصو يسجل الأهداف كيفما كيدير ومن بعد غنشوفو واش يقدر ينفعنا فالمستقبل”.

وكمل وليد الركراكي الدفاع على الاختيارات اللي قام بها، وقال: “كانوا عندنا 3 ديال المهاجمين من قبل، وما بغيتش نغير بزاف فالكروب عندنا حاليا مهاجم فباري وليد شديرة اللي غادي مزيان وبغينا نشوفوه والباب ديال المنتخب مفتوح أمام أي واحد فحال حمد الله، وكيف شفتو فجر وبرقوق ماكينينش وحتى هما يستاهلو، وعبد الرزاق حاليا ما يقدرش يكون معنا، ونتمنى يكون فالمستوى باش ياخد حتى هو بلاصتو”.