كود سبور//
اكد الناخب الوطني وليد الركراكي أن اللاعبين د المنتخب المغربي كيعانيو من العيا بسبب ماتش البرازيل والسفر إلى إسبانيا، وأن عز الدين اوناحي وأشرف حكيمي ما غيلعبوش غدا الثلاثاء ضد البيرو.
وليد الركراكي تكلم خلال الندوة صحافية قبل ماتش المغرب والبيرو وقال: “كاين العيا عند اللاعبين حيث لعبنا السبت وسافرنا بالليل ووصلنا البارح وخصوصا مع رمضان ودغيا جا ماتش غدا ولكن كنا عارفين هادشي والمباراة صعيبة خصوصا مع النتيجة ديال ماتش البرازيل حيث أي فريق غيبغي يربحنا وكنعرفو الروح اللي عند منتخبات أمريكا الجنوبية، وحنا خاصنا نبقاو فالنيفو ديالنا وغنديرو جهدنا باش نربحو هذا الماتش”.
وكمل الركراكي وقال: “غنتستاو الصحة التدريبية الأخيرة قبل الماتش، باش نعرفو مستوى لافريشور عن اللاعبين وباش كيحسو سوا اللي عيانين أو الإصابات البسيطة، وعندنا عز الدين أوناحي موعت واشرف حكيمي وكنا اتفقنا يلعب غير ميتا ضد البرازيل حيث يالاه راجع من الإصابة وما بغيناش نخاطرو به باش ما يتصابش بشي إصابة اللي تسألي له الموسم ديالو داكشي علاش ما نقدرش نغامر به مازال، ما غنحاولش نبدل بزاف، وغنقلب على اختيارات مزيانة باش نلعبو ضد البيرو ونربحو الماتش”.
