هاد الفلوس مطمورة عند الناس غير من سعد النصابة والشفارة وصحاب شركات التسويق الهرمي لي كيجمعوا الضحايا بالألاف وكل مرة كتبان وحدة وبنادم باقي مابغى يعيق خاص الدولة تحارب التعامل وحيازة الفلوس كاش لأنهم كيدمروا اقتصاد البلاد
نجوي المالحي-كود//
اختارت الراقصة نور تهضر بصراحة على الوضعية ديالها، والظروف لي خلاتها تشمر على دراعها باش ما تحتاج حتى واحد على الأقل ماديا، وأنها تقدر تعيش ماماها وبناتها في ظروف آدمية وكتحترم الكرامة ديالهم.
نور نشرت ستوريات على حسابها في انستكَرام قالت فيها أن كورونا عطاتها درس باش تستغل كل لحظة في حياتها، وتعيش قريبة من الناس لي كتبغي، خصوصا الأم ديالها لي عايشة معاها.
وقالت نور في الفيديوهات لي تشاركتهم مع المتتبعين ديالها: “صحيح أنه الخوت كل واحد فين لاحتو الحياة، ولكن هادشي ما كيمنعش أن الروابط خاصها تبقى مستمرة”.
نور لي سجلت الستوريات حدا الأم ديالها، قالت “أنا عندي غير ماما، وماما عندها غير أنا، وكنعيش من أجلها، وكنقول هاد الهضرة باش نأثر في الناس، لأني ماشي مؤثرة ديال الملابس والمنتجات فقط”.