كو الرباط//

”سلاليات ازيلف ف الرشيدية اعتصمو البارح ف طريق ارفود ضد باشا تنجداد و کيطلبو الوالي بفتح تحقيق في هاد الملف لي اعتبروه فساد د الترامي علی ”ملک الغير خارج القانون“.

وعلمت “كود” من مصادر مطلعة ان قيادة تنجداد عرفت امس تحرکات غير عادية للسلطة الترابية بعد ما اعطا باشا تنجداد لوردر د الخدمة ل تراکسات باش تقاد مزبلة جماعاتية علی روافد واحد الخطارة قديمة کتسقي واحة ازيلف.

و الاخطر حسب مصدر سلالي ان المشروع العجيب بغاوه ماليه اتدار صحا في ملک نساء قرويات د قبيلة هاد الدوار.

البارح بعدما لاحظو ان کاميو محملة بالزبل جات تدشن المطرح،سارعت نساء سلاليات و دارو خيمة اعتصام احتجاجي في  تقاطع الطريق الغير المصنفة لي کتدي ل منجم بومادن و الجهوية لي کتدي لارفود.

العيالات لي اعتصموا  هددوا بنقل الخيمة لمقر جماعة فرکلی السفلی لي تيقودها حزب العدالة و التنمية الا مانسحبش من الاتفاقية المهزلة لي تکاتبت في ”غرف مغلقة“ من اشخاص  مشبهوهين في ما يسمی برنامج واحة تافيلالت، لي بالنسبة ليهم ماعطا ل المجال الواحي غير “تصاور طبالي د القس ف الرباط و جوج بلايک د الحديد ف الطريق سماوها  ًطريق المجهول” علی حد قول واحد المعتصمة.

متحدث اخر قال لـ”کود” طالب وزارة الداخلية و وزارة الاسکان و اعداد التراب بصفتهم منسقيات البرنامج لي مشارکة فيه بفتح تحقيق في فشل المشروع و صفقاته في الوصول الی الاهداف المسطرة له هادي اكثر من 6 سنين و ف مدی احترام تعاقدات المغرب في مجال البيئة ف مونتاج هاد المشاريع.