نجوى المالحي-كود//
الفنان عبد الحفيظ الدوزي لي بدا مشوارو الفني ملي كان عندو 8 سنين، محافظ على النجاح ديالو وكل مرة كيدير حاجة جديدة.
بعد العودة للبدايات ديالو لي كانت في “الراي”، الفنان المنحدر من وجدة كيوجد الجديد، وهاد المرة بمشاركة الجمهور لي طلب منو يقول ليه عنوان أغنية من الأغاني القديمة لي غناها قبل مايكون اليوتوب ولاحتى الفيسبوك.
وحسب البوسط لي حط الدوزي، الأغنية لي وقع عليها الاختيار بكثافة غادي يعاودها ولكن بطريقة وستايل جديد.
وأغلب التعاليق جاو فيهم أغنية “مريامة” و”ديك الدار العالية”. حاليا الاختيار باقي كاعما تم ولكن غادي يكون هاد الأيام.