جامعة الكرة: توصلنا بقرار الكاف اللي فيه خسارة USMA مع بركان وعقوبات منتظرة على الفريق الجزائري وماتش الروتور فوقتو
كريم الشركي-كود///
حكام الجزائر جاهم السعر، ومابقاو عارفين مايديرو من غير التهديدات الخاوية، بعدما المغرب طلب فالامم المتحدة عبر سفيرو عمر هلال انه يتوجب تصفية اقدم استعمار في افريقيا، لي هو استعمار الجزائر لمنطقة القبائل.
الجزائريين هادي اكثر من ربعين عام وهوما كيطالبو باستقلال الصحرا وحنا عمرنا درنا ردة الفعل لي داروها هوما فيومين.
#الجزائر تستدعي سفيرها بالرباط و “لا تستبعد” اتخاذ إجراءات أخرىhttps://t.co/2wRPo0u0JM
— Ennahar Tv النهار (@ennaharonline) July 18, 2021
الجزائريين قالو انهم مكيستبعدوش يديرو اجراءات اكثر من استدعاء السفير، يعني الاجراء التالي يقدر يكون طرد السفير المغربي من عاصمتهم، وهذا كيعني القطيعة الدبلوماسية، وكيعني ايضا اغلاق الحدود.
طبعا فوق هادشي الجزائريين غايلعبو مرة اخرى بورققة المغاربة لي عندهوم وغاينوضو يطردوهوم كيف دار هواري بومدين لي شرد عشرات الالاف من المغاربة وفرقهوم على عائلاتهوم.
هاد الاجراءات من غير المستبعد ان العسكر يديرها حقاش السعر لي جاه صعيب حالو.