بعد جلسة مجلس الأمن وزيارتو للجزائر.. بوگدانوڤ استقبل السفير المغربي فموسكو
كود كازا ////
اليوم كان عدد كبير من الحالات دكورونا فيروس. وصلنا ل2234 وفكازا المدينة ماشي الجهة بوحدها تسجلات 773 حالة. هاد الشي خلع كلشي. وزارة التربية الوطنية خرجات بيان قالت فيه باللي غادي يتم اعتماد التعليم عن بعد “حصريا بالنسبة لتلميذات وتلاميذ المؤسسات التعليمية العمومية والخصوصية ومدارس البعثات الأجنبية المتواجدة في الأحياء المغلقة والمصنفة ضمن البؤر الوبائية على المستوى الوطني والذين لن يلتحقوا بمؤسساتهم إلى حين تحسن الوضعية الوبائية بهذه الأحياء”
الوزارة اكدت فبيانها ان القرار كيشمل حتى التلاميذ والتلميذات اللي كاين شي حد فعائلتهم فيه “كورونا فيروس”.
بالنسبة للتلاميذ اللي ما معنيينش بهاد القرار قالت الوزارة انو سيتم استقبالهم خلال الفترة الممتدة بين 7 و9 داخل المؤسسات التعليمية في مجموعات صغيرة كتراعي شروط التدابير الوقائية ووفق ما اعلن عنه سابقا
دابا كاين شي مدن ما بقات فيهم قراية. فكازا مثلا كاين احياء بحال البرنوصي وانفا ولات بؤر ديال بصاح. هادو ما بقات فيهم قراية.
فانفا كاين مدارس البعثات الفرنسية والاسبانية والايطالية. هادو موحالش تبدى لقراية.
دابا خاص بيان اخر نشوفو شكون المعني. الارقام داليوم كتبين باللي ما بقات قراية فبلايص كثار