البام فشل فتنظيم لقاء حزبي فالعيون لعرض الوثيقة المذهبية ديالو بعد المقاطعة اللي دارت قواعدو
وكالات //
ولات وحدا من الأشياء اللي كانت كتبان مستحيلة ومن الخيال العلمي قبل (ولات) حاجة ممكن تتحقق بفضل العلم.
كاينين علماء خدامين من مدة على تطوير دوا كيقولو بللي غادي يطول فعمر الإنسان ويقدر يبقى عايش حتى ل200 عام.
جورنال «دايلي ميل» البريطاني قال فتقرير خاص على هاد لافير بللي الدواء اللي غادي يكون على شكل فانيد، كيقضي على الخلايا اللي كتساهم فعملية الشيخوخة فالجسم ديال بنادم، وبالتالي غيضوبل العمر ديالنا.
والعلماء جربو هاد الدوا على الفيران ف2020, وتبين أنه قضى ليهم على الشيخوخة وأعراضها بحال مشاكل عدسة العين، وهشاشة العظام المرتبطة بهاد المرحلة من العمر، وخسران العضلات، وضعف القلب، والديابيت الزهايمر وغيرها.
وخدامين دابا العلماء على تجريب نفس الدوا على البشر، باش يتأكدو من النجاعة والفعالية ديالو أكثر.