عفراء علوي محمدي- كود//

فحدود العشرة ديال هذ الصباح، وحسب النسب المئوية اللي عطات الوزارة، تسجلات 203 إصابة جديدة بفيروس كورونا المستجد فمراكش وحدها، وهذشي بسبب بؤرة معمل السردين فآسفي اللي تسجلات فيه لحد الساعة أكثر من 400 حالة، وهكذا وصل عدد المصابين فالجهة ل2518.

بالنسبة للجهات الأخرى، سجلات كازا سطات 62 إصابة جديدة، ووصل المجموع فيها ل3660، وسجلات العيون الساقية الحمرا 37 حالة، ووصل المجموع ل676.

بالنسبة للجهات الأخرى، ماسجلات إصابات إضافية كثيرة، طنجة سجلات 2 (2602)، والرباط سلا القنيطرة (2003)، وجهة الشرق حتى هي نفس الشي (220).

جهة فاس مكناس وجهة بني ملال خنيفرة سجلو إصابة لكل وحدة فيهم، وبلغ مجموع الإصابات عندهم على التوالي 1516 و153.

أما بالنسبة لجهات درعة تافيلالت وسوس ماسة وكَلميم وادنون والداخلة واد الذهب، فماسجلو حتى شي إصابة هذ الصباح.

ولنا عودة من الوضعية الوبائية للجهات والأقاليم فالعشية.