مرات نتنياهو دارت الفوتوشوب باش تبان صغيرة.. تصويرة على موقع “إكس” حولاتها مسخرة على مواقع التواصل
عفراء علوي محمدي- كود//
اعلن محمد اليوبي، مدير مديرية الأوبئة ومحاربة الأمراض، على تسجيل 78 إصابة جديدة بفيروس كورونا المستجد فهذ 24 ساعة الأخيرة، ووصل عدد المصابين فالمجموع لـ7211.
من هذ الحالات الجديدة، قال اليوبي، فالندوة اليومية للترصد الوبائي لفيروس كورونا المستجد، اليوم الأربعاء، أن 87 فالمية منها تكتاشفات عن طريق عملية تتبع المخالطين، أي تحديدا 65 حالة، ومنذ بداية الوباء وصل عدد المخالطين اللي تم التتبع ديالهم ل40469.
وكشف اليوبي أن أكبر عدد ديال الإصابات اليوم تسجل فجهة كازا سطات (31 فالمية)، وتحديدا فكازا، بينما تسجلات إصابات اخرى فجهة مراكش آسفي، وإصابات قليلة ومتفرقة فجهة سوس ماسة وجهة طنجة تطوان وجهة الرباط سلا.
والمختبرات اليوم استبعدات 6915 حالة كان مشتبه إصابتها بالفيروس، وهكذا وصل عدد الحالات المستبعدة فالمجموع لـ105 ألف و786
واليوم تسجلات، 2 وفيات جديدة، وبلغ العدد فالمجموع 196، ونسبة الإماتة استقرات ف2,7 فالمية.
بالنسبة لحالات الشفاء، تسجلات 182 حالة إضافية، ووصل عدد المتعافين فالطوكال لـ4280، بنسبة شفاء كتتحدد ف59,4 فالمية.
وفجوابو على أسئلة الصحافيين اللي كتتوصل بيها الوزارة، ومنذ بداية الوباء فالمغرب، كشف اليوبي أنه تصابت 31 سيدة حامل، دون تسجيل أي حالة وفاة، 30 تصابو دون وجود أعراض أو بأعراض بسيطة، سيدة وحدة كانت حالتها متوسطة الخطورة.
وهذا التوزيع ديال الإصابات فالجهات بالنسبة المئوية: