الرئيسية > آش واقع > الحصيلة الوبائية لفيروس كورونا فهاد 24 ساعة.. 693 تصابو و14 ماتو و302 تشافاو.. الطوطال: 25015 إصابة و367 ماتو و17960 تشافاو و6688 كيتعالجو
01/08/2020 17:30 آش واقع

الحصيلة الوبائية لفيروس كورونا فهاد 24 ساعة.. 693 تصابو و14 ماتو و302 تشافاو.. الطوطال: 25015 إصابة و367 ماتو و17960 تشافاو و6688 كيتعالجو

الحصيلة الوبائية لفيروس كورونا فهاد 24 ساعة.. 693 تصابو و14 ماتو و302 تشافاو.. الطوطال: 25015 إصابة و367 ماتو و17960 تشافاو و6688 كيتعالجو

عفراء علوي محمدي- كود//

عرفات الإصابات بفيروس كورونا انخفاض بالمقارنة مع اليوماين اللي فاتو، بحيث تسجلات 693 إصابة فهاد 24 ساعة الأخيرة، ووصل المجموع لـ25015، أي بمعدل 69 لكل 100 ألف نسمة.

وقال عبد الكريم مزيان بلفقيه، رئيس مركز الأمراض السارية بمديرية الأوبئة، أن تكاثر الحالات r0 بلغ 1,38، فالوقت اللي كان غير 0,7 فبداية يونيو، وهذشي اللي كيأكد ارتفاع حالات الإصابة بالفيروس فالآونة الأخيرة بوتيرة مقلقة.

بالنسبة للتوزيع الجغرافي للحالات فهو كالآتي: جهة طنجة تطوان 330 حالة، جهة فاس مكناس 209، جهة  الرباط 80 كازا سطات 41، جهة مراكش آسفي والجهة الشرقية 13، جهة بني ملال خنيفرة 2، جهة درعة تافيلالت 5، بينما جهات سوس ماسة والداخلة واد الذهب والعيون الساقية الحمرا وكَلميم وادنون ماسجلات حتى إصابة.

وماتو اليوم 14 الواحد، وهو أعلى رقم يومي كيسجلو المغرب منذ ظهور الجايحة، (7 فطنجة و 3 فكل من مراكش وكازا ووفاة وحدة ففاس) وهكذا وصل الطوطال ديال الوفيات لـ367.

بالنسبة لحالات الشفاء، تسجلات 302 حالة، ووصل الطوطال لـ17960، بنسبة تعافي ديال 72 فالمئة.

والحالات النشيطة بلغ عددها 6688 حالة، كتتوزع على الجهات على النحو التالي:

جهة كازا سطات: 1774

جهة طنجة تطوان الحسيمة 2012

جهة مراكش آسفي 601

جهة فاس مكناس 1634

جهة الرباط القنيطرة 409

جهة درعة تافيلالت 83

الجهة الشرقية 108

جهة سوس ماسة 32

جهة بني ملال خنيفرة 81

جهة الداخلة واد الذهب 51

جهة العيون الساقية الحمرا 10

جهة كَلميم وادنون 3

بالنسبة للحالات اللي فالإنعاش، كاينة 88 حالة خطيرة، وهذ الحالات كتتوزع على الجهات على النحو التالي: كازا سطات 25 (3 منهم تحت التنفس الاصطناعي)، طنجة 25 (حالة واحدة تحت التنفس الاصطناعي)، فاس مكناس 10 (وحدة تحت التنفس الاصطناعي)، مراكش آسفي 19، 7 حالات بالرباط وجوج حالات فسوس ماسة.

بالنسبة للمخالطين، تم تتبع 122144 مزال منهم 16037 تحت المراقبة.

واليوم تستبعدات 20881 حالة إصابة، ووصل المجموع ل1248924 بعد ما خرجات تحاليلهم سلبية.

وهذا التوزيع الجغرافي للإصابات بالنسبة المئوية:

موضوعات أخرى

28/03/2024 13:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 12:30

من هنا لسيمانة.. اللي عندو شي طوموبيل أو موطور ففوريانات كازا ومجاش سحبهم غيتباعو

28/03/2024 12:20

جنايات فاس فرقات 33 عام ديال الحبس على ريزو د التهجير السري وها التهم اللي تابعوا بها

28/03/2024 12:19

ليلة “العشاء الأخير” فحزب الاستقلال: هادي 3 قضايا كبرى غادية تشعل حروب ف “الميزان” قبل وبعد المؤتمر

28/03/2024 12:10

جوندارم الدروة طيحو  بزناز عندو الحشيش والبوفا والغبرة والقرقوبي نواحي برشيد

28/03/2024 11:30

فهم تسطى مع نظام العسكر.. الجزائر عينات جوج قناصل فالمغرب واخا دايرين القطيعة معانا