الرئيسية > كود-تيفي > الحرب المغربية الجزائرية وصلات للراب وترونات كلاشات.. دون بيكَ: رابكم اولاد فرانسا بحال مطاراتكم ناقصو الطيارات -فيديوهات
17/10/2021 10:00 كود-تيفي

الحرب المغربية الجزائرية وصلات للراب وترونات كلاشات.. دون بيكَ: رابكم اولاد فرانسا بحال مطاراتكم ناقصو الطيارات -فيديوهات

الحرب المغربية الجزائرية وصلات للراب وترونات كلاشات.. دون بيكَ: رابكم اولاد فرانسا بحال مطاراتكم ناقصو الطيارات -فيديوهات

نجوى المالحي-كود//

هادي 4 أيام وهي نايضة بين الروابة المغاربة والجزائريين.. والحرب وصلات للراب بعدما بدات بين حليوة وديدين كانون 16.

الرابور الجزائري ديدين بلا حشمة، دار ستوري ف حسابو على انستگرام، ودار سمية البيكَ ولكن مخبية، وتوفيق حازب معطلوش وكلاشاه ف 40 ثانية.

الصحافي أمين الراي عطى رأيو ف شنو واقع، وكتب ف بوسط على صفحتو ف فيسبوك، قال فيه: أن الراب المغربي مطلع البارة بزايد على الراب فالجزائر من كاع الجوانب “ااه الجارة الشرقية دخلات ليها ثقافة الهيب هوب عموما والراب بشكل خاص قبل منا.. وأكثر من هذا روابا فالمغرب تأنسبيراو منهم بحكم قرب اللهجة والتواصل ولكن فنفس الوقت اليوم ف2021 لا مجال للمقارنة… وبشهادة الجميع الbeef بين روابا فالمغرب والجزائر تايبانو المغاربة مطلعين النيفو بزايد.. هادشي بلا مانهضرو على الخدمة لي تايديروها المغاربة فالراب أحسن بزاف من لي بروجي ديال لالجيري..

https://www.facebook.com/100001216647540/posts/4772625562787951/?d=n

الـDisstrack ديال دون بيكَ اللي سماه “16 لديدين ديماك”، قريب يوصل لنص مليون مشاهدة ف القناة ديالو ف يوتوب.

وسمعوه كثر من 700 ألف واحد ف صفحتو على انستكَرام، اللي حط فيها تعليق مع الكلاش جا فيه: علا حساب ما بان ليا روابا بغاو يديرو البوز و يزيدو شويا من الادسينس ديالهم سيرتو الدينار طايح. داكشي علاش ما غاديش نبوسطيه فلي بلاطفورم و نمونيتيزيه ، ١٦ باراكا عليك ا ولد الفرنسيس . وهاد المرة ما تطاگينيش مخبي.
ايلا بغيتي البيف خلصني … #خاواخاوا

و دون بيكَ رفع المحضر البارح وسد هادشي وكتب ف ستوري: “شي واحد يقول لولاد فرانسا راحنا في 2021. داك الراب ديال MBS راه كان زوين ف 98 . رابكم بحال مطاراتكم ناقصو الطيارات”

موضوعات أخرى

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه

29/03/2024 09:50

ماتش الكوكب والحسنية.. تابعوه 20 ألف واحد وولاية أمن لمدينة لحمرا سخرات 1270 بوليسي وها شحال تشدو

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟