كريم الشركي-كود///

القضاء فسبتة المحتلة، حكم على ثلاة دالشبان مغاربة، تم اعتقالهم من طرف عناصر الحرس المدني، ملي كانو كيحاولو يهربو الحشيش إلى داخل سبتة، مستعملين سموترات ديال الغواصين.

وقضت المحكمة اول أمس الإثنين فحق المتهم الأول اللي شدو عندو 62 كيلوغرام من الحشيش، بـ 3 سنين و10 شهور دالحبس، وأداء غرامة مالية وصلات ل 153 ألف يورو، مع ترحيلو للمغرب، بعدما يسالي ثلثي العقوبة الحبسية ويتمنع من دخول الاراضي الإسبانية لمدة 5 سنوات.

المعتقلان الاخرين حكمات عليهم المحكمة ب 4 سنين حبس نافذ، وغرامة  757 ألف يورو،  مع ترحيلهما إلى المغرب بعد قضاء ثلثي العقوبة السجنية، لكون الكمية التي ضبطت بحوزتهما كانت تقارب 300 كيلوغرام من الحشيش المغربي