20/04/2024 07:00
“تيك توك لايت” منوض روينا.. المفوضية الأوروبية عطات للشركة 24 ساعة باش تعطيها توضيحات
سعيد الشاوي- گود كازا //
كشفات مصادر “كود “،ان الجندارم ديال لابيجي ديال سطات سمعات ليوسف العيالي الرئيس السابق بجماعة مكارطو والعضو بها ونائب رئيس المجلس الاقليمي ديال سطات لي طايح في ملف مقود ديال التزوير وخيانة الامانة .
المصدر ديال “كود ” ان بعد التحقيق معه تاصلو بالنيابة العامة المختصة لي امرات الضابطة القضائية المكلفة بالتحقيق باش تقدم المجموعة في حالة سراح يوم الثلاتاء الجاي قدام وكيل الملك ديال المحكمة الابتدائية بمدينة ابن احمد ،وذلك بعدما اتسناو باش تخرج نتائج الخبرة ديال التوقيع في لكنانش ديال تصحيح الامضاء .
و حساب الشكاية لي اطلعات عليها “گود” عليها ودارها (ع.ب) للوكيل العام ديال الملك بالمحكمة الاستئنافية ديال سطات، كيتهم فيها نائب رئيس المجلس الاقليمي وهو شريكو بالتزوير وخيانة الأمانة وصناعة عن علم وثيقة تتضمن وقائع غير صحيحة.
وترجع التفاصيل ديال هاد الشكاية على انو المشتكي زماگري بالديار الايطالية منذ سنة 1990، وكيسكن بدوار اولاد لكبير اولاد عبد الله جماعة مكارطو ابن أحمد سطات، سبق ليه خلا الطوموبيل عند المشتكى به، حيت كيجيه شي حاجة وهو نائب رئيس المجلس الاقليمي او خلا عندو السيارة ومن بعد ناض الرئيس او دور وكالة عرفية او باع الطومونيل.
لانكيط دبا واقفا على الخبرة بعدما كانت حجزت عناصر الدرك الملكي من الجماعة دفاتر السجيلات او ستمعات جوج موظفين ديال تصحيح الإمضاء .
