الرئيسية > آش واقع > الجوج اللي مشدودين فالمكسيك وكيديرو فيديوهات. سفارة المغرب: رفضو المساعدات اللي اقترحنا عليهم
08/08/2019 11:00 آش واقع

الجوج اللي مشدودين فالمكسيك وكيديرو فيديوهات. سفارة المغرب: رفضو المساعدات اللي اقترحنا عليهم

الجوج اللي مشدودين فالمكسيك وكيديرو فيديوهات. سفارة المغرب: رفضو المساعدات اللي اقترحنا عليهم

كود هناء ابو علي ///

واحد جوج اسمهم زهير بونو وامين حسن ضياء كيديرو فيديوهات. مشاو للبرازيل حقاش ما كيطلبوش فيزا للمغاربة وقرروا بجوج يحرگو لميريكان وكيصورو هاد الشي. مغامرة خاصهم يتحملو تبعات ديالها. تجربة حياة. غير ماشي باش شدوهم فشياباس فالمكسيك يبداو يطلبو. راه مغامرة النهار الاول صعيبة بزاف.

هما قطعو البرازيل وامريكا الوسطى ووصلو لغواتيمالا وفالحدود مع المكسيك تشدو. من المركز الخاص بالمهاجرين طلبو جالية المغرب فهاد الدول تعاونهم. السفارة المغربية هناك وصلها لخبار، تحركات ولكن تصدمات كيف اكد مصدر ل”كود” “بجوجهم قالو للسفارة المغربية باللي وصلو للحدود المكسيكية الغواتيمالية من البرازيل ودازو على دول بامريكا الوسطى باش يحققو حلمهم وهو الوصول الى الولايات المتحدة الامريكية”.

وفق مصدر « كود » فان السفارة اقترحت عليهم تقديم المساعدة ومنها تكليف محامي باسمهم ولكنهم رفضو وصرحو باللي كيتسغنيو على هاد المساعدة. وفق مصدر « كود » فان هاد الشي كاين فوثيقة وقعو عليها وعليها ختم سلطات المكسيك.

موضوعات أخرى

29/03/2024 06:00

العراقي لي حرق القرآن فالسويد علق لبلاد خرا.. غادي يطلب فيها اللجوء بعدما قررات ستوكهولم تجري عليه