الرئيسية > آش واقع > الجمعية اتهمات لاگوارديا سيبيل بتعذيب حراگ والتسبب فموتو
01/12/2021 06:00 آش واقع

الجمعية اتهمات لاگوارديا سيبيل بتعذيب حراگ والتسبب فموتو

الجمعية اتهمات لاگوارديا سيبيل بتعذيب حراگ والتسبب فموتو

كريم الصوفي – كود//
[email protected]

نددت الجمعية المغربية لحقوق الإنسان فرع الناظور بتعرض طالب لجوء يمني كيبلغ من العمر 26 عام لـ “اعتداءات” و “سوء معاملة” من قبل عدد من عناصر “لاگوارديا سيبيل” خلال محاولته الوصول مع صاحبو لمدينة مليلية عومان انطلاقا من السواحل المغربية، حسب ما نشره موقع “إل دياريو”الاسباني.

نفس المصدر نشر ان الواقعة جرات ليلة 20 نونبر الفايت، والضحية غرق بعد تعرض للضرب بشدة وإجباره رفقة صديقه على الرجوع إلى المغرب بدون سترات نجاة. هاذ الشي نفاتو مندوبية الحكومة ووزارة الداخلية الاسبانية، اللي اعتبرو ان ليلة 20 نونبر ما عارفات حتا محاولة ديال الحريگ للمدينة وأن الاتهامات الموجهة إلى الحرس المدني “باطلة” ولم يسبق لعناصره التسبب ف غرق مهاجرين.

لكن على حساب الجمعية المغربية لحقوق الإنسان، صديق الضحية اللي كان معاه، أكد تعرضهما للاعتداء بعد محاصرتهما من طرف دورية ديال “لاگوارديا سيبيل” قرب ميناء مليلية وشبعو فيهم عصا وعاملوهم بحال الارهابيين ولاحوهم ف البحر بلا حوايج وسترات نجاة وصاحبو فقد الوعي وبسباب الامواج القوية غرق وسط البحر قدام عينيه.

الشاهد حكا انه غير وصل للساحل المغربي بدا كيغوث وكيقلب على صاحبو وجا بوليسي مغربي قدم ليه المساعدة ومشا معاه ل مركز امني وخذاو الافادة ديالو وعاملوه مزيان وعطاوه الحوايج والماكلة. دابا الجمعية وصاحب الضحية اللي عندو تقرير طبي على الاعتداءات اللي تعرض ليها، كيطلبو من سلطات مليلية فتح تحقيق ف هاذ الواقعة.

https://www.eldiario.es/desalambre/ong-marroqui-denuncia-muerte-yemeni-llegar-melilla-senala-guardia-civil_1_8536462.html

موضوعات أخرى

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد