19/04/2024 13:30
نظام العسكر يبتز “جون أفريك” والصحافي ديالها: إلى بغا يدخل للدزاير خاصها تبدل مواقفها ولا يمشي هو من المجلة
عن الخبر الجزائرية ///
الجزائر دفناتو وودعاتو ولمغاربة بكاوه ورثاوه. الجمعة مات رابح درياسة٬ 87 سنة٬ مات صاحب “گولوليها الممرضة”. مات الفنان اللي جمع الشعبين المغربي والجزائري. رابح درياسة عندنا بمكانة الدكالي وبلخياط عند الجزائريين. الفن كيكذب السياسة والسياسيين. كياكد ان الشعبين المغربي والجزائري امتداد لبعضياتهم. اذواقهم فالموسيقى فالطبخ… ماشي متقاربة بل بحال بحال.
درياسة تدفن الجمعة بمقبرة سيدي حلو بالبليدة. حضرو ليه رجال السياسة والفن. فنان كبير يرحل والعلاقات بين الدولتين فاحلك لحظاتها.
بحالو بحال فناني المغرب حلمو بحدود مفتوحة. بعلاقات انسانية ترجم العلاقات بين الشعبين. رجالات الجيش فالجزائر كان عندهم رأي اخر خارج الزمن.
درياسة جمع الغناء والتأليف والتلحين وكتاب الكلمات. دخل الاغنية الجزائرية لقلوب لمغاربة. طبع اغانيه البدوية تخليك تحلم وتحلق عالي.
من 1953 وهو كيغني.
مات من احبه جيل من المغاربة حبا كبيرا. عشقه وحفظوا اغانيه. موته خاصو يكون درس لجينرالات الجزائر. مات رسول الحب والتعايش نابذ الحروب والصراعات
