مصطفى الشاذلي – كود سبور//

الجامعة الملكية المغربية لكرة القدم وقفات رضا التكناوتي ثلاث أشهر ما يلعبش فيها مع المنتخب المغربي فالماتشات جاية.

القرار اتخذو المكتب المديري ديال الجامعة البارح فالاجتماع، لي كان فمقر الحامعة.

التكناوتي، حارس الوداد البيضاوي ما غاديش يلعب مع المنتخب الوطني فالماتشات جاية، بعد العقوبة، لي جات بعدما رفض يكون روبلاصو ديال الحارس أنس الزنيتي فالماتش الجزائر السبت الماضي، ضمن إياب التصفيات الإفريقية، المؤهلة إلى نهائيات كأس إفريقيا للمحليين 2020.

الجامعة أكدت فبلاغها أن فوزي لقحع، رئيس الجامعة وضع أعضاء المكتب المديري في الصورة بخصوص ما وقع فالماتش ديال الجزائر ، وقرا التقرير، لي دارو المدرب الحسين عموتة على الحارس التكناوتي، ومن بعد اتخذ قرار بتوقيفو 3 أشهر.

هناك أعضاء طالبوا بتوقيفو 4 ديال الماتشات مع الوداد البيضاء، لكن تبين أن أغلب الأعضاء ما تافقوش على هاد القرار، وبالتالي منع الحارس التكناوتي من توقيفو حتا مع الوداد البيضاوي.