كود كازا//
استعدادات مكثفة على مستوى جميع المقاطعات لإنجاح حملة التلقيح فكازا في الأسابيع القليلة الماجية. هاذي الشي جا بسباب تعليمات مركزية ديال الداخلية وتوجيهات والي جهة كازا سطات لعمال مقاطعات المدينة بتوفير جميع الإمكانيات المتوفرة لإنجاح أكبر حملة تلقيح في تاريخ البلاد.
هاذ التعليمات تضمنت جميع التفاصيل اللي عندها علاقة تأهيل العنصر البشري وتهيئة الفضاءات وتعقيمها ولوائح الموظفين الجماعيين اللي يعاونو أطر وزارة الصحة في الخدمة ديالهم وجميع العتاد واللوازم الخاصة للاشتغال اليومي بهاذ المحطات والمراكز المخصصة لعملية التلقيح.
هاذ الشي بطبيعة الحال جا استكمالا للخدمة اللي دارو أعوان ورجال السلطة بمختلف العمالات باش يحصرو عدد المستفيدين من العملية في لوائح خاصة.
