كود كازا ///

كود نشرات هادي يومين خبار على تسجيل اصابة بكورونا فيروس فبنت من شركة انتاج كتعامل مع الشركة الوطنية للاذاعة والتلفزيون وسجلات برنامج فعين الشق.

قلنا باللي جاو دارو ليهم التيست باش يعرفو واش كانت شي عدوى. عوض يقولو ما كاين حتى شي اصابة او عدوى خرجو بيان كيقول “اكدت المصالح الطبية المختصة على أن نتائج جميع هذه الكشوفات سلبية مما يفند وينفي اي ادعاء بهذا الخصوص”. اش من ادعاء يا ناس التلفزيون؟

كون كان ادعاء ما ديروش لكلشي اللي تلاقى مع ديك السيدة وشارك فالبرنامج تيست. اش هاد الطريقة فالتعامل مع لخبار.

قولو اللي درنا ليهم تيست ما فيهم والو. تنفيذ وتكذيب راه غباء.