وكالات-كود//

شرطة مقاطعة ميامي بولاية فلوريدا في ميريكان كيقلبو على شكون حط إعلان في سيت Craiglist باش يبيع فيه طفل حديث الولادة بمبلغ 500 دولار.

صحيفة The Sun قالت أن الإعلان تنشر نهار 22 فهاد الشهر، وكتبو في البوسط أن الطفل هادئ وظريف وكينعس مزيان ومافيهش الصداع ولي غادي يشريه غادي ياخد معاه فابور ختو لي عندها 4 سنين.

وقال مول الاشهار أنه ماباغيش يحكمو عليه الناس حيت ماغاش هاد الاطفال.

البوسط تمسح من السيت لكن البوليس كيقلبو على شكون حطو باش يتأكدو واش صحيح باش يتعاقب مولاه.