كود الرباط//
قال البروفيسور سعيد عفيف، سعيد عفيف، رئيس الجمعية المغربية للعلوم الطبية والفدرالية الوطنية للصحة، وعضو اللجنة العلمية للتلقيح، إن المغرب نجح في تدبير الجائحة إلى حد الآن، مؤكدا أنه “استطاع تلقيح الفئات الأكثر هشاشة، 65 سنة فما فوق”.
ونبه البروفيسور عفبف، في تصريح لـ”كود”، إلى أن السلالة البريطانية هي الأكثر عدوى والأكثر انتشارا في المغرب.
ودعا عضو اللجنة العلمية إلى الالتزام بالاجراءات الاحترازية قبل رمضان، والحرص على تطبيقها وعدم التساهل فيها.
وتابع :”خاص الالتزام وخصنا نصبرو لأنه مزال موصلناش المناعة الجماعية، ولكن الحاجة لي درنا هي لقحنا ناس كبار، ومبقيناش كنشوفوهم ف الانعاش”.
وبخصوص الاجراءات الاحترازية في رمضان، قال المتحدث :”حنا كنشوفو كيف دايرا الحالة الوبائية وعلى اثرها الحكومة تتخذ التدابير وهي الوحيدة المخولة لها تاخدها، ولحد الآن مزال مكاينش قرار،:”.
واستطرد عفيف لـ”كود” :””قبل ما يوصل رمضان خصنا نحترمو التدابير الاحترازية لحقاش اذا محترمناهش مغاديش نوصلو لشي حاجة”، موضحا :” فاش كنحبسو لواحد الوقت وجيز كيتقصو الحالات، كما حدث في الداخلة بحيث كانت 40 حالة مصابة بالسلالة البريطانيةومبقاتش، ولات 5 ولا 6 .. فاش نحبسو كنتكلفو بالحالات المصابة ونقصو الضغط على المستشفيات”.
وبخصوص ظهور السلالة الجديدة، قال عفيف :”الموثوق هو بلاغ وزارة الصحة، واللي كاين هو فيروس انجلترا خصنا نتعاملو معه بحذر”.
وتابع “خصنا نجلسو ونصبرو واش بغينا نصبرو ونخرجو بسلام”.
وشدد المتحدث بالقول “: حنا غادين بشويا، الدولة غادية بتدريج بطيء لي يسلك لينا الامور، وليداتنا قراوي حضوري وعن بعد، ودارو الكشوفات للتلاميذ ولقينا غير 2 في المائة تقاسو، واللي خرقو تسدو فحال ليسي ديكارت”.
وتابع البروفيسور عفيف :”الجوامع كيصليو بالتباعد ونديور الصلايات والامور غاديا مزيان هادي شهرين، والحمامات هادي جوج سيمانات تحلو والامور غادية مزيان”، مشدد :”واللي بغا يزرب غايضيع كولشي والتجمعات غايديرو البلبلة وصافي”.
