كود الرباط//
قيادة البام تبادلت رسائل الود مع الاحرار وبوادر دخول هاد الحزب الحكومة بانت فأولى المشاورات ديال تشكيل الحكومة، فاش استقبل عزيز اخنوش، رئيس الحكومة المعين، كلا من عبد اللطيف وهبي، الامين العام للبام، للي كان مرفوقا بفاطمة الزهراء المنصوري، المرأة القوية فهاد الحزب.
وهبي قال بلي تلقى اشارات ايجابية من عزيز اخنوش، بخصوص تشكيل تحالف حكومي قوي. وانهم ناقشو سبل اعداد تصور مشترك.
الحزب الثاني للي ممكن يكون ضامن المشاركة فالحكومة، هو الاستقلال، بحيث غادي استقبل اخنوش بعد دقائق، نزار بركة.
