الرئيسية > كود سبور > البارصا مازال طامع فميسي وفاتح له البيبان باش يرجع 
06/10/2022 23:00 كود سبور

البارصا مازال طامع فميسي وفاتح له البيبان باش يرجع 

البارصا مازال طامع فميسي وفاتح له البيبان باش يرجع 

كود سبور//

مازال فريق البارصا الصبليوني طامع فرجوع الأسطورة الأرجنتيني ليونيل ميسي النجم الحالي لباريس سان جيرمان الفرنسي للصفوف ديالو، وفاتح ليه الأبواب من بعد مرور أكثر من عام على رحيلو.

وكشف إدوارد روميو نائب الرئيس المالي فالبارصا، في تصريح صحافي أن ليونيل ميسي اللي انتقل من فريق كتالونيا فصيف 2021، باش يلعب مع باريس سان جيرمان الفرنسي كيبقى إضافة للبارصا، وأكد أن الأبواب ديال الفريق غتبقى ديما مفتوحة فوجهو.

وبخصوص قدرة البارصا على تأمين عودة ميسي من الجانب المالي جاوب المسؤول البارصاوي ملي تطرح عليه السؤال وقال: “كنعرفو كيفاش نصنعو المعجزات”، وشدد على أن قرار رجوع الأسطورة السابق ديال البارصا إلى الفريق كيتعلق بالإدارة الرياضية للنادي، وإذا كانت عندها رغبة فعودة ميسي راه غادي يخدمو كمسؤولين ماليين على تحقيق هذا الهدف ويرجعوه.

وغادي يسالي عقد ليونيل ميسي مع باريس سان جيرمان الفرنسي فصيف 2023، والكثير من عشاق البارصا عندهم أمل يرجع يلعب معهم ما تبقى من الكاريير ديالو ويعتزل مع الفريق اللي حقق معه الأمجاد ودخل معه لتاريخ كرة القدم العالمية، ومن جهة أخرى أعلن ميسي أن كأس العالم المقبلة فقطر، غادي تكون هي آخر مشاركة له مع منتخب الأرجنتين فالمونديال.

1231208942

موضوعات أخرى

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها