الرئيسية > آراء > البؤس الحقيقي هو أنك تنمر على مرأة مغربية حرة مناضلة رجعات حق عيالات كان ضايع لقرون عديدة لدرجة تستقبلها بنت ومستشارة ترامب وتسلم عليها سلام المغاربة المأصلين صحاب الجود والكرم وتبانليك نتا بلي أنه سلام الذل والهوان
08/11/2019 19:00 آراء

البؤس الحقيقي هو أنك تنمر على مرأة مغربية حرة مناضلة رجعات حق عيالات كان ضايع لقرون عديدة لدرجة تستقبلها بنت ومستشارة ترامب وتسلم عليها سلام المغاربة المأصلين صحاب الجود والكرم وتبانليك نتا بلي أنه سلام الذل والهوان

البؤس الحقيقي هو أنك تنمر على مرأة مغربية حرة مناضلة رجعات حق عيالات كان ضايع لقرون عديدة لدرجة تستقبلها بنت ومستشارة ترامب وتسلم عليها سلام المغاربة المأصلين صحاب الجود والكرم وتبانليك نتا بلي أنه سلام الذل والهوان

محمد سقراط-كود///

مرأة مغربية حرة ومناضلة كبيرة وحقيقية حاربات فمعركة ضد القوانين والأعراف البالية لي كتحرم النسا من حقهم فالأراضي السلالية وقدرات تنتاصر وتكون قدوة لكاع المغربيات باش ياخدو معاركهم ووصلات لأنها تستقبل إيفانكا ترامب، وسلمات عليها سلام المغاربة الحقيقيين صحاب الجود والكرم والأصل، وفاللخر يجي واحد من صحاب أنقذوا الدلافين وواحد آخر من مناضلي الصفحات الفايسبوكية، ويبداو يبكيو على المغرب والذل والجهل وعار على الدولة لي خلات مواطنيها يتذللوا لبراني، بينما فالواقع وأي مغربي مكيعانيش من إنفصام في الشخصية راه عارف بلي المغاربة في بزاف ديال المناطق كيسلمو بديك الطريقة كترحيب وتعبير على المعزة والغلو، وفشي مناطق راه ملي كيتلاقاو جوج عيالات كيبفاو يبوسو فيدين بعضياتهم حتى يعياو، وشحال من واحد فينا كيبوس راس مو أو خالتو أو عمتو وتبوس ليه هي يديه كتعبير على المحبة والمعزة.

ولكن للأسف الفايسبوك المغربي ولا ساحة للتنمر المجاني والتباهي بعزة النفس والأنفة بينما بنادم دين مو دليل كي بوبريص كيظن أنه بالتنمر الفايسبوكي على البسطاء راه يمكن يخلق واقع أفضل، بينما المناضلين الحقيقيين لي غيروا من الواقع ديالهم وواقع الألاف من نساء ورجال المغرب كتلقاهم حتى فايسبوك معندهم، ولكن فالواقع حاضرين وعندهم صيت عالمي، راه ماشي ساهل إيفانكا بنت الحبيب ترامب مستشارة رئيس أعظم دولة فالتاريخ تجي حتى لأدغال سيدي قاسم فين مكايناش دار الشباب فين يتلاهاو الدراري وتلاقى بهاديك المرأة المناضلة الكبيرة، لي شرفات كاع المغاربة ولي رحبات بيها كيف ما الأصول المغربية كتقول، والحب كان باين من خلال الصورة .

البؤس الحقيقي ماشي في تقبيل اليد وإنما هو لي يخليك تشوف فصورة مرأة مناضلة كبيرة تغلبات على أعراف ديال قرون كتسلم على إيفانكا ترامب بطريقة مغربية فيها بزاف ديال الحب والإحترام والتقدير والمعزة وتبانليك أنها صورة فيها خضوع ومذلة وأنه لولا كروش لحرام لما بقي مواطن في المغرب مظطر لتقبيل اليد باش يعيش، هذا هو البؤس الحقيقي هو أنك تكون مستاعد تلحس الطيز باش تبان مناضل وفنفس الوقت تبكي وتنخصص على صورة ديال مغربية كبرات ببنت ترامب لي فرح بزاف للإستقبال لي دارت ديك المرة لبنتو.

 

موضوعات أخرى

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد