كود الرباط //

دافع البرلماني محمد زيدوح، عضو الفريق الاستقلالي بمجلس المستشارين، عن قرار وزير التربية الوطنية والتعليم الأولي والرياضة شكيب بنموسى، بفرض شرطي الانتقاء والسن لاجتياز مباريات التعليم، باعتبار أن التعليم يكتسي أولوية قصوى مثل الصحة.

وأكد الدكتور زيدوح، في حوار مع “گود” (سينشر لاحقا) أن الولوج إلى الوظيفة التعليمية خصو يكون فحال الولوج لكلية الطب، باش تكون عندنا جودة عالية فهاد القطاع الحساس.

زيدوح استشهد بوزير التعليم السابق المرحوم محمد الوفا، وذكر بأن الوفا كان كيقول بأن مشكلة التعليم الاساسية كتمحور حول الأستاذ والموارد البشرية، مضيفا “نهار نعطيو القيمة والهيبة للأستاذ وتكون عندو ميزة خاصة بحال الطبيب، عانردو الاعتبار للمدرسة العمومية”.

وزاد زيدوح موضحا “فاش كنبغي دخل لكلية للطب كتكون عندك بكالوريا بميزة جيدة وكادوز مباراة عاد كادخل لكلية الطب لأن علاج المواطنين خصك توجد ليهم أطباء”.

وأكد المتحدث أن اتخاد هذا القرار (الانتقاء والسن) لا يقبل أي تأخر”، مشددا أن هادشي داخل ف استمرارية الدولة لي كتكون باستمرارية المواطن لي عندو تكوين جيد ويكون صالح ويرفع شأن البلاد اقتصاديا وماليا وسياسيا.

وشدد المصدر نفسه بالقول :”يلا بغينا جودة التعليم خص تكون معايير، غاتقولو خاص الحوار متفق معك ف المنطق السياسي ، و هاد الحوار ماشي مفروض على الوزير لأنه مبقاش وقت وميمكنش نغامرو بوليداتنا باقي ، وَخصنا نشوفو شنو لي ف صالح البلاد، رآه اليوم الأسر مبقاش عندهم إمكانيات يمشيو للقطاع الخاص”.

وأوضح زيدوح” الأسر كتمشي للقطاع الخاص لأن المنظومة التعليمة ضعيفة وكذلك بالنسبة للصحة، والمواطنين كيصرفو 35 في المائة من ميزانيتهم على هاد جوج قطاعات، ويلا صلحناهم غادي يشيط المواطن هاد المبالغ الكبيرة”.

وأضاف زيدوح” ماذا تغير اليوم ياك نفس المنشآت ونفس التجهيزات.. علاش كيهربو ناس من التعليم العمومي، واش بسبب الجودة اكيد واش بسبب الموارد البشرية اكيد، وو”.