الرئيسية > آش واقع > الازمة مع الصبليون مازال ماتسالات. المفاوضات كاينة ولكن خاص وقت باش يتافقو على المسببات الحقيقية دالازمة
27/07/2021 14:30 آش واقع

الازمة مع الصبليون مازال ماتسالات. المفاوضات كاينة ولكن خاص وقت باش يتافقو على المسببات الحقيقية دالازمة

الازمة مع الصبليون مازال ماتسالات. المفاوضات كاينة ولكن خاص وقت باش يتافقو على المسببات الحقيقية دالازمة

كريم الشركي-كود///

قالت صحيفة ال باييس، ان المغرب والصبليون كيتفاوضو على مراجعة شاملة للعلاقات الثنائية، وزادت الصحيفة، ان وزير الخارجية مشى للندن وموراها للبيرو، ولكن ماكاينش لحدود الساعة زيارة للرباط.

وزادت الصحيفة أنه واخا تحيدت لايا ولكن ظاهريا كاتبان الطريق الى علاقات افضل مسدودة، ولكن هادشي غير ظاهريا، حقاش كاين مفاوضات كبيرة من تحت للتحت، كاين فيها وسطاء بحال المفوض الاوروبي  وأعضاء فالمفوضية الاوروبية.

وزادت الصحيفة أن استنتاج الدبلوماسية الاسبانية، هو أن الازمة الاخيرة ماخاصش يام التعامل معاها كحلقة معزولة، ولكنها جزء من سلسلة من المشاكل والازمات بين البلدين وخاص يتم تجديد العلاقات الثنائية والتفاوض بشكل عميق.

وكتعتارف صحيفة ال باييس أن جميع النقط سهل التفاوض عليها، ولكن أصعب هاد النقاط هي قضية الصحرا، لي المغرب باغي الاتحاد الاوروبي والصبليون يبدلو موقفهم منها بعدما امريكا عتارفات بمغربية الصحراء، ولكن اسبانيا مامستعداش نهائيا تبدل موقفها الداعم لجهود الامم المتحدة.

موضوعات أخرى

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو

28/03/2024 02:00

مصور عندو 71 عام اتاهم الوالد ديال تايلور سويفت أنه تعدا عليه بالضرب ملي كان كيصورها

28/03/2024 01:00

هجوم موسكو الارهابي.. 95 شخص ما زال مفقودين وروسيا كتشكك فان داعش هي اللي دارت هاد الهجوم