الهاكا عطات دروس لـ”مومو” وهيت راديو: خاص احترام نزاهة البرامج وتكون مضامين اعلامية آمنة ويقظة و”المبادئ والقوانين” ماشي ترف
كود الرباط//
اليوم فلجنة المالية، عبر إدريس الأزمي الوزير المنتدب بوزارة المالية سابقا، عن غضبه تجاه ترويج أكاذيب ومغالطات من طرف البعض ممن يسمون أنفسهم بـ”المؤثرين الفايسبوكيين”.
الأزمي من بعدما قال بلي “المغرب قوي بمؤسساته وبقيادة الملك”، أوضح أنه “ميمكنش الحكومة ولا مدراء المؤسسات العمومية ولا الولاة والعمال والقياد ولا المسؤولين ولا البرلمان يخدمو ب بليكي” في إشارة إلى التعويضات اللي كياخدو، وللي كينتقدوها بعض المؤثرين في الفيسبوك.
ووصف الأزمي هؤلاء المؤثرين بدون تسميتهم بأنهم “يضببون المشهد الاقتصادي والاجتماعي”.
وعن الانتقادات الموجهة له بخصوص الجمع بين التعويضات بين نائب ورئيس الجماعة، قال الأزمي :”هادشي فيها المغالطات انا رئيس معني أقوم بالمهام، واش المحامي مكيجمعش بين التعويضات واش الطبيب مكيخدمش واش صاحب شركة مكيخدمش، علاش كتمشيو عند المنتخب فقط وتنساو كاملين هاد لي كيجمعو بين تعويضات مهنية وتعويضات البرلمان”.
وأضاف :”الى بغيتو نبقا غير نائب برلماني سدو عليا هنا”، مردفا :” انا معندي تعويضات من غير هادشي، في حين المحامي عندو تعويضات والطبيب عن تعويضا”.
وشدد المتحدث بالقول :”سننتصر على الشعبوية واجب علينا بالرغم من ذوك التدوينات والتلبيس والمغالطات والحق أبلج من تلك الترهات”.
وانتقد الأزمي قيام بعض المؤسسات بالاستماع لبعض المؤثرين في الفايسبوك وتهميش المنتخبين، بالقول :”كيفاش ترجعو تتسمعو للمؤثرين فاللجان، وتتعيطو لواحد تصنتو ليه في حين كتخليو رئيس جماعة والمنتخب”.
وقال الازمي :”هاد المؤثرين تيغمقو على الناس وينشرون الترهات “، مضيفا “الدولة قائمة بالمؤسسات وليس بالشعبوية والمؤثرين “.