هناء ابو علي كود //

علمت “كود” أن مجلة “نوڤيل اوبس”، كتوجد ملف على الأميرة لالة سلمى، حيث من المنتظر تخرج ملف شامل عليها في غضون الايام المقبلة.

الجريدة المعروفة كتوجد هاد الملف فظرفية صعيبة كتمر منها العلاقات بين المغرب وفرنسا، خصوصا بعد أزمة المعتقل الفرنسي المتابع في قضايا الارهاب الموجود في سجون المملكة، حيث وعد الرئيس الفرنسي إيمانويل ماكرون والدة المعتقل الفرنسي ياتريس جالي بالتدخل شخصيا في القضية. هاد الشي قلق لمغاربة اللي ما فهموش كيفاش فرانسا تشيد بالمغرب فمكافحة الاٍرهاب وتطلب دعمو ورئيسها باغي يدخل فقضية متهم فالارهاب تحكم عليه.

تزاد على هاد الأزمة، أزمة استدعاء 4 صحافيين مغاربة من قبل القضاء الفرنسي واخا كاين اتفاقية التعاون القضائي.

لذلك مفهوم وباين علاش بغات جريدة “لوبس” تخرج هاد النوعية د الملفات ولي كايديروها الصحافيين الفرنسيين فاش كتكون أزمة بين البلدين.