كود كازا //

نشرات “كود” البارح السبت 27 يونيو 2020 فالعشية مقال على البيرة والضريبة اللي كيخلصها المغربي. المقال ما كانش اصلا خاصو يتنشر. وقع الخطأ وخرج. حنا مسؤولين على هاد النشر وكنعتادرو لقراءها ولكل واحد حس براسو تمس من هاد المقال اللي تم حذفو.

خطأ حقاش المقال فيه امور ضد ما تدافع عنو “كود”. كود عندها خط تحريري كدافع على الحرية الفردية على مجتمع مغربي حداثي متحرر ولكن كتحتارم قناعات الاخرين خاصة ايلى كانت هاد القناعات دينية. ماشي غير كتحتارم بل كدافع على حقوق كاع الفئات ايلى تعرضات للمضايقات. اولا بخدمتنا كصحافيين كنقلو لخبار وثانيا باراء صحافيي “كود” اللي كيعبرو عليها بكل حرية.

كود ما يمكنش كتهاجم شي مواطن حقاش بغى يصلي فالجامع او فدارو ما يمكنش تتهكم على اللي كيتوضى. هاد الشي علاش كنعتادرو على نشر هاد المقال اللي حيدناه