الرئيسية > آش واقع > اش وقع سياسيا ف 2021.. شوط جديد فالأزمة الصامتة بين الرباط ومدريد بسباب مزارع تربية الحوت ورخص الاستكشاف حدا الكناري وتوسيع المياه الاقليمية المغربية و”خنق” سبتة ومليلية
03/01/2022 09:30 آش واقع

اش وقع سياسيا ف 2021.. شوط جديد فالأزمة الصامتة بين الرباط ومدريد بسباب مزارع تربية الحوت ورخص الاستكشاف حدا الكناري وتوسيع المياه الاقليمية المغربية و”خنق” سبتة ومليلية

اش وقع سياسيا ف 2021.. شوط جديد فالأزمة الصامتة بين الرباط ومدريد بسباب مزارع تربية الحوت ورخص الاستكشاف حدا الكناري وتوسيع المياه الاقليمية المغربية و”خنق” سبتة ومليلية

كريم الصوفي – كود//

[email protected]

بعد الاشارات الايجابية ديال الرباط ومدريد حول مستقبل العلاقات بين البلدين، كانت تداعيات الازمة الديبلوماسية باقي مأثرة على الجو بيناتهم. وعرفات المرحلة شوط جديد ف الأزمة الصامتة بسباب مزارع تربية الحوت ورخص الاستكشاف حدا الكناري وتوسيع المياه الاقليمية المغربية و”خنق” سبتة ومليلية.

المغرب خاذ قرار حاسم بإغلاق المعابر الحدودية التجارية ف 2018 ومع انتشار الجايحة سد المعابر حتى أمام تنقل الاشخاص وخلا الحكومات المحلية ديال سبتة ومليلية ما عارفين باش تبلاو، خاصة وان الحكومة المركزية معندهاش رؤية واضحة حول مستقبل اقتصاد المدينتين وعطات الأولوية للمقاربة الأمنية من خلال ضم سبتة ومليلية إلى الاستراتيجية الجديدة ديال الأمن القومي. حاولو الصبليون يجسو نبض المغرب، وكانو مرة مرة كيتكلمو عبر الاعلام على فتح المعابر، لكن مع صمت المغرب كانو كيتفرشو..

ابرز حدث ميز الازمة الصامتة بين البلدين بعد التلطيف النسبي للأجواء بيناتهم، هو مشروع مزرعة تربية الحوت حدا الجزر الجعفرية، وللي خلات مدريد تقدم مذكرة احتجاج شفوية للقائم بالأعمال المغربي بالسفارة المغربية. بعد ايام على تقديم المذكرة، خرج وزير الخارجية وقلل من أهمية احتجاج بلادو على مزرعة تربية الحوت حدا الجزر الجعفرية.

وزير خارجية الصبليون اعتبر أن مشروع المزرعة البحرية مغاديش يفسد علاقة حسن الجوار مع المغرب، ومباشرة بعد تصريحات خوسي مانويل ألباريث، خرجات “ال كونفيدونثيال”، بخبر جديد عن طرح المغرب مناقصات لمزارع ديال تربية الحوت حدا الخط البحري اللي كيربط بين ألمرية ومليلية وف خليج الداخلة قبالة سواحل جزر الكناري.

فصول الأزمة تواصلات مع خبر ترخيص المغرب لشركة قطرية للتنقيب عن النفط. خرج رئيس حكومة جزر الكناري كيهدد ف المغرب وقال “اذا انتهكت مياهنا الاقليمية مغاديش نسكتو والمغرب غادي يصطدم بقوة مع حكومة سانشيث”. رئيس حكومة الكناري “أنخيل فيكتور توريس”، صرح لجريدة “إل إسبانيول”، أن وزير الخارجية “خوسيه مانويل الباريس” أكد ليه شخصيا ان ف حالة انتهاك المياه الإقليمية لجزر الكناري غادي يكون رد فعل تلقائي من طرف اسبانيا.

موضوعات أخرى

29/03/2024 12:25

خاص.. وضع المنسقة الجهوية لحزب سياسي بجهة فاس مكناس فالحراسة النظرية بسبب قضية كبيرة ديال النصب والاحتيال والتزوير

29/03/2024 12:00

السلطات المغربية قبلات العودة ديالهم.. گاع الحراگة اللي استغلو الموڤيطا ديال الثلاثاء الفايت وحرگو لسبتة رجعو تا اللي بالغين ودارو راسهم قاصرين

29/03/2024 11:30

الدريب لـ گود: الناصيري عطى لكثير للوداد وهادي صفحة وطويناها ودابا حقبة جديدة برئاسة البرناكي وغنخدمو لإرضاء الوداديين

29/03/2024 11:00

البوليساريو بغات تستاغل الرئيس السنگالي الجديد وكتزاوگ فيه يدير معاها علاقات

29/03/2024 10:40

جدل امتحان البيرمي.. “نارسا”: كاين تطور إيجابي فنسبة نجاح المترشحين فاليوم الرابع ووصلات لـ54,41 فالمية

29/03/2024 10:30

بلقشور: الوداد تحملو مسؤوليتهم والجموع العامة دازت مزيان وتم التصويت على گاع التقارير ومبروك عليهم

29/03/2024 10:21

تقرير رسمي: أسعار الصناعات الغذائية فبلادنا تراجعات وإنتاج وتوزيع الما والضو مستقر

29/03/2024 10:00

دقة تابعا دقة فـ”قضية تمويل فرحان” مول الشروق. بوصوف كان غادي يدير درس حسني قدام سيدنا ويقدم كتابو ليه وحيدوه