كريم الشركي – كود///

كاين مسؤولين فالصحة، عوض مايطبقوا اجراءات وتدابير الوقاية، هوما لي كيساهموا فتنامي خطر كورونا.

السيدة لي بانت البارح كتهضر فالفيديو وكتقول أن الطاقم الطبي مامسوقش ليها، جابو ليها شي صحافي باش يصور معاها فيديو تكذب راسها، هادشي رغم أن الوزارة دارت بلاغ كذبات فيه الوقائع.

هاد الصحافي كيبان أنه داير إجراءات الوقاية للميكرو ديالو أكثر مما كيحمي راسو، حقاش السيد ما لابس ليكات، ويدو قريبة منها يعني أقل من مسافة الأمان، وهذا يقدر يخرج وياخذ العدوى ويجلط بيها الأمة.

راه الوزارة خاصها تنتابه لصحة المواطنين بالقدر لي كتنتابه بيه للرد على اي لايف كيتنشر فالفايس.