محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008
كود الرباط//
تأخر استئناف اساتذة التعاقد للعمل بناء على نتائج الحوار مع الوزارة. من جديد التلاميذ اللي رجعوا للمدارس بعد 15 يوم ديال العطلة رجعو للزنقة و لديورهم. هاذ الشي كيألم. بغض النظر عن مطالب هاذ الفئة راه من حق التلامذ يقراو.
ابناء الفقراء و الطبقات الاجتماعية التي لا تستطيع نقل ابنائها للتعليم الخاص، لا تملك الا انتظار معركة الشد و الجذب ليستأنف التلاميذ الدراسة. من المسؤول عن ضياع ملايين ساعات العمل. واش لمغاربة عارفين أن ضياع حصة وحدة فالرياضيات فالمستوى السابعة إعدادي يقدر يؤثر بنسبة كبيرة على مستقبل تعلم التلميذ للرياضيات، زيد عليها العلوم و الفيزياء.
من 4 مارس ليوم، وبعملية حسابية، التلاميذ اللي كيقراو عند المتعاقدين ضيعو 44 ساعة ديال الرياضيات. و ضيعوا 8 سوابع ديال العلوم، و 8 ديال الفيزياء و النزيف مرشح للارتفاع. هاذ التلامذ اللي ضاعوا فهاذ السوايع كنحكموا على مكستقبلهم الدراسي بالاعداد حيث هاذ التلميذ لن يستطيع المواكبة مستقبلا بغض النظر عن تعويض هاذ الحصص من عدمه.
من جهتها الدولة والحكومة ملزمة بضمان استمرار الدراسة تحل مشكلتها بأي طريقة، و تحمل مسؤوليتها. راه كلشي قابل للتفهم الا توقف خدمات الصحة و التعليم. من حق الاساتذة يديرو الاضراب، ومن حق الحكومة ترفض الخضوع لمطالبهم ولكن ما الحل؟
حكومة بنعرفة معندها غرض بالتعليم و كتقضي باللي كان وحتا الملف خرج من يديها واش اعباد الله ولادلا لمغاربة ضاعو فشهر ديال لقراية و الحكومة تسنات حتا اليوم الاخير ديال العطلة عاد تنازلات باش تحاور مع التنسيقية هنا يبدو العبث شامخا وجليا. الله يحد الباس