الرئيسية > ميديا وثقافة > استنكار كبير من الفيسبوكيين على لوكَو أكَادير الجديد: منقول فوطوكوبي من لوكَو القاهرة وزيرو إبداع
19/09/2020 19:00 ميديا وثقافة

استنكار كبير من الفيسبوكيين على لوكَو أكَادير الجديد: منقول فوطوكوبي من لوكَو القاهرة وزيرو إبداع

استنكار كبير من الفيسبوكيين على لوكَو أكَادير الجديد: منقول فوطوكوبي من لوكَو القاهرة وزيرو إبداع

عفراء علوي محمدي- كود//

عبرو رواد مواقع التواصل الاجتماعي، وفيسبوك خصوصا، على انتقادهم للوكَو الجديد ديال مدينة أكَادير، وشافو بأنه كيفتقر للمهنية ولأدنى شروط الإبداع.

بعض النشطاء شافو أن اللوكَو منقول، طيكسطو، من اللوكَو ديال العاصمة المصرية القاهرة، بحيث تم اعتماد شكل المثلث فالديزاين ديالو، تماما كيف معمول فلوكَو القاهرة، ولو أن استعمال المثلث عند المصريين عادي بحكم أنهم كيرمز للأهرامات، أما بالنسبة لسواسة فماعندو حتى معنى ثقافي أو حضاري.


واحد الفيسبوك قال، فتعليقو على اللوكَو الجديد: “هذا شعار يغيب هوية المدينة وبعيد كل البعد عن اعتباره “لوغو” مدينة جميلة إسمها أكادير.. والسؤال المطروح بشحال تقام هاد التصميم العجيب؟”، وعلق عليه واحد آخر “هذا كيشبه لوكَو ديال أولمبك الزرقا”.

ومعلق واحد آخر قالو، وهو كيطنز على لوكَو أكادير الجديد “القديم كان حسن منو.. هذا عندو نفس الستيل ديال لوكَويات الخمسينات.. هذا مهزلة وكيفكرني بكرطونة الحليب القديمة.. حشومة ولله علاش مايديروش مسابقة و يشاركو فيها گاع الشباب و يخطارو فائز واحد…”

وابتداء من لبارح تم اعتماد هذ اللوكَو الجديد بشكل رسمي وإلغاء اللوكَو القديم اللي كانت معتمداه جماعة أكادير هذي 12 لعام.

موضوعات أخرى

28/03/2024 14:45

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو

28/03/2024 13:30

وزير النقل للساقطين فامتحان البيرمي: غانعطيوهم فرصة جديدة ومغاديش يتحسب امتحان الاثنين والهدف من الأسئلة الجديدة هو نقصو من الكسايد