الرئيسية > آش واقع > استثناء الصبليون .. عملية مرحبا 2021 غيتزادو فيها مراكز عبور مرسيليا وجينوا وتقدر تزاد حتى موانئ البرتغال
14/06/2021 20:30 آش واقع

استثناء الصبليون .. عملية مرحبا 2021 غيتزادو فيها مراكز عبور مرسيليا وجينوا وتقدر تزاد حتى موانئ البرتغال

استثناء الصبليون .. عملية مرحبا 2021 غيتزادو فيها مراكز عبور مرسيليا وجينوا وتقدر تزاد حتى موانئ البرتغال

عفراء علوي محمدي- كود//

بتعليمات من الملك محمد السادس، غتزيد مصالح مديرية الملاحة التجارية التابعة لوزارة التجهيز والنقل واللوجستيك والماء، خطوط جديدة إضافية ضمن عملية مرحبا 2021، لتسهيل عودة الجالية المغربية المقيمة بالخارج.

وحسب بلاغ لوزارة التجهيز والنقل واللوجستيك والماء، غتزاد خطوط مرسيليا وجينوا على موانئ سيت، باش تمكن من رفع الطاقة الاستيعابية واعتماد أثمنة مناسبة للمسافرين.

وفهذ الصدد، كتجري مصالح مديرية الملاحة التجارية اتصالات مكثفة مع شركات النقل البحري العاملة على الخطوط البحرية مع أوروبا.

من جهة اخرى، جارية المباحثات مع السلطات البرتغالية، بهدف جعل ميناء بورتيماوو فالبرتغال ميناء للعبور، من خلال فتح خطوط ملاحية جديدة من هذا الميناء باتجاه ميناء طنجة المتوسط.

وهذا كيعني أن الموانئ الاسبانية مستثنية من عملية مرحبا هذ العام، بسباب الأزمة الدبلوماسية بين الرباط ومدريد.

وغتزاد هذ الخطوط على اللي تبرمجات ففرانسا والطاليان هذ العام، بطاقة استيعابية أولية كتوصل ل20000 مسافر و5000 عربة أسبوعيا، وكذلك تعبئة باخرة إضافية على خطي مرسيليا – طنجة المتوسط وجينوا – طنجة المتوسط، بطاقة استيعابية تبلغ 4000 مسافر و1000 عربة أسبوعيا.

وبالتالي، فإن الطاقة الاجمالية غتوصل لحوالي 48000 مسافر وما يفوق 15000 عربة أسبوعيا، مما سيمكن من تغطية المرحلة المتوقعة للعبور، من 15 يونيو إلى 15 شتنبر2021، بحوالي 650 ألف مسافر و180 ألف عربة.

وحسب بلاغ الوزارة دائما، تم تقليص الأثمنة المرجعية للتذاكر ذهابا وإيابا بالطوموبيل ل995 أورو للعائلة المتكونة من 4 ديال الناس، بالنسبة للخطوط طويلة المدى، و450 أورو للعائلة المتكونة من 4 ديال الناس بالنسبة للخطوط متوسطة المدى.

موضوعات أخرى

29/03/2024 09:42

السينمائيون يهاجمون بنسعيد: كاين تراجع فالمكتسبات للي تحققات فحكومات سابقة وخاص حوار جاد ومسؤول باش نتجاوزو الأزمة

29/03/2024 09:15

الوداد طواو صفحة الناصيري وطلعو البرناكي كرئيس 20 فتاريخ النادي ودارو مليون للي بغا ينخرط

29/03/2024 09:00

علاش الاتحاد الأوروبي كيلعب لعب خايب مع المغرب وكيشكك فالسلع الفلاحية ديالو؟