كريم الصوفي – كود//
[email protected]

حكمات محكمة الميريا الإقليمية على متهم كيحمل الجنسية المغربية ويبلغ من العمر 42 عامًا بالسجن لمدة عامين ديال الحبس، بعد ما حاول يهرب حراگ فـ طوموبيلتو.

المتهم اعترف بالوقائع المنسوبة ليه أثناء المحاكمة وأدين بارتكاب جريمة ضد حقوق المواطنين الأجانب. الحكم غادي يبقا سورسي لمدة 4 سنين، بشرط ما يعاودش نفس الفعلة واذا حصل متورط عاوتاني في محاولة تهريب مهاجر غير شرعي غادي يدوز عامين ديال الحبس.

الواقعة جرات في 28 غشت 2019، المتهم كان في عبارة كتربط بين الناظور وألميريا وتماك شكو فيه “لاگوارديا سيبيل” وقلبو طوموبيلتو مزيان ولقاو السيد داير قاع مزدوج من خلال تعديل سعة خزان الوقود باش دار بلاصة للحراگ لي تا هو مغربي ولقاوه باينة عليه أعراض الجفاف والإرهاق..