كود علي الصافي العيون ///

نهار الجمعة اللي فاتت عاشر غشت 20118 توجهات ضربة قوية للجيش الموريتاني. مسلحون هجمو عليه وقتلو جوج وتصابو جوج. هاد الشي فولاية تيرس الزمور فالشمال الموريتاني. الجيش الموريتاني قال في بيان له ” “اشتبكت دورية من المنطقة العسكرية الثانية صباح الجمعة، مع عنصر معادي متسلل في نقطة تقع بأقصى الشمال الشرقي من الحدود المالية الموريتانية.” وأضافت أن الاشتباك نجم عنه مقتل اثنين من المهاجمين وجرح آخرين فيما أصيب جنديان تم إخلاؤهما لتلقي العلاج”.

كيفاش وقع هاد الشي للجيش الموريتاني وشكون يقدر يضربهم وعلاش فهاد الوقت.

نبداو باللي ممكن يكون عندو علاقة بالهجوم.

نبداو من الساهل للصعيب. كاينة عصابات التهريب وهي تنظيمات مسلحة ماشي ساهلين. من الكوكايين لبنادم. هادو مستبعد جدا. الجهة الثانية هي جماعة انصار الدين بزعامة اياد اغ غالي. بشهادة الموريتانيين هادي عملياتها طيلة السنوات الاخيرة كانت بعيدة على الحدود المالية الموريتانية.

ثالثا كاين تنظيم الدولة اي الدواعش. هادو دارو ما يسمى مع الموريتانيين هادي سنوات “المتاركة” يعني بعدو منا نبعدو منكم. موريتانيا دارت “هدنة موثقة” تبعها “المتاركة” مع القاعدة في بلاد المغرب الاسلامي.

رئيس الحزب الحاكم في موريتانيا قال في تغريدة له ان من قام بالعملية “عناصر ارهابية”. طبعا فعل ارهابي ولكن ماشي القاعدة في بلاد المغرب الاسلامي٬ علاش؟ وفق مصدر ل”كود” متبع هاد الملف ف”زعيمهم عدنان الوليد الصحراوي ما كاينش فالحدود المالية الموريتانية” و”امارة الصحراء” التابعة اياد اغ غالي اللي كيشرف عليها ابو يحيى الهمام ما عمرها تهاجم هاد الدولة.

شكون اللي بقى عندو مصالح كبيرة ويدير هاد الهجوم؟

المثير ان الهجوم جاء بعد ان اصبح الفريق حننا ولد سيدي قائد اركان الجيش الموريتاني عضو القوات المشتركة في منطقة الساحل وبعد رفع التنسيق الفرنسي الموريتاني من خلال تقديم معدات فرنسية للجيش الموريتاني وزيارات ماكرون وقائد الجيش الفرنسي وقائد عمليات برخان لموريتانيا ولقائها بمسؤوليها. نواكشوط غادية تتولى قيادة القوات المشتركة للي مازال ما بداش خدمتها. المتضرر الاكبر فهاد العملية هو البوليساريو. علاش< علاش غادية تضرب ليها مصالحها فالتهريب. تجارتها تقلصات وموريتانيا يستحيل تتساهل مع مهربي الكوكايين اللي عندهم علاقة بالبوليساريو. هاد الضربة وفق مصدر "كود" عملية استباقية منها باش ترجع المنطقة لسابق عهدها. فوضى ما كيحكم فيها حد البوليسايو الجهة الوحيدة اللي متحالفة مع المهربين اللي غادية تخسر. كاع التنظيمات الارهابية الاخرى ما داخلاش ليها موريتانيا فبالها