الرئيسية > آش واقع > ارتفاع صاروخي فعدد الإصابات اليومية بكورونا والمغرب كيحطم الرقم القياسي لليوم الثاني على التوالي.. تسجيل 811 إصابة جديدة و6 وفيات ف24 ساعة: الطوطال: 19645 مصاب و305 متوفي و16282 متعافي .. و3058 كيتعالجو
25/07/2020 17:30 آش واقع

ارتفاع صاروخي فعدد الإصابات اليومية بكورونا والمغرب كيحطم الرقم القياسي لليوم الثاني على التوالي.. تسجيل 811 إصابة جديدة و6 وفيات ف24 ساعة: الطوطال: 19645 مصاب و305 متوفي و16282 متعافي .. و3058 كيتعالجو

ارتفاع صاروخي فعدد الإصابات اليومية بكورونا والمغرب كيحطم الرقم القياسي لليوم الثاني على التوالي.. تسجيل 811 إصابة جديدة و6 وفيات ف24 ساعة: الطوطال: 19645 مصاب و305 متوفي و16282 متعافي .. و3058 كيتعالجو

عفراء علوي محمدي- كود//

المغرب حطم روكور جديد فعدد حالات الإصابة بفيروس كورونا المستجد فهذ 24 ساعة الأخيرة، بحيث علنات وزارة الصحة على تسجيل 811 إصابة جديدة بهذ الفيروس، تكتشفات 708 منها عن طريق تتبع المخالطين، وهكذا وصل عدد المصابين فالمجموع ل19645.

وكشف معاذ المرابط، منسق المركز الوطني لعمليات الطوارئ العامة بوزارة الصحة، فالندوة اليومية للترصد الوبائي لفيروس كورونا المستجد، أن هذ الحالات تسجلات أغلبها فطنجة تطوان الحسيمة (455)، بينما سجلات كازا سطات 185 حالة، فاس مكناس 103، مراكش آسفي 31، وجهة الرباط سلا 15، درعة تافيلالت 6، سوس ماسة 5، الداخلة واد الذهب وبني ملال خنيفرة 4، وجدة 2، وكَلميم وادنون حالة واحدة، وجهة العيون الساقية الحمرا هي الوحيدة اللي ماسجلات حتى إصابة.

وتسجلات اليوم 6 حالة وفيات جديدة، جوج حالات ففاس وجوج فطنجة وجوج فمراكش، وهكذا وصل الطوطال ل305، بنسبة الإماتة د1,6 فالمية، لكن كيقول لمرابط أن هذ معدل الفتك، واخا بقا مستقر، كَاع ماخاص نبقاو نديو عليه، “حيت خادع، وخاصنا نضربو لحساب لعدد الوفيات اللي فرتفاع مستمر كل يوم”، على حد قولو.

فالمقابل، تسجلات 182 حالة شفاء اليوم، ووصل المجموع 16282، بنسبة تعافي د83 فالمية.

والحالات النشيطة بلغ عددها اليوم 3058 حالة، أكثرها مسجلة فجهة طنجة تطوان الحسيمة (1242) فطنجة، ثم كاينة 740 حالة فكازا سطات، وفجهة فاس مكناس 593، أما باقي الحالات فكتتوزع كاملة بنسب مختلفة على باقي الجهات.

وكاينة 53 حالة خطيرة فاقسام الإنعاش والعناية المركزة، 20 منها فكازا 17 بمراكش، 10 بطنجة، 4 بفاس و2 بالرباط، ومن بينها 7 تحت التنفس الاصطناعي.

واليوم تستبعدات 20131 حالة إصابة، ووصل المجموع 1106568 بعد ما خرجات تحاليلهم سلبية.

وهذا التوزيع الجغرافي للإصابات بالنسبة المئوية:

موضوعات أخرى

28/03/2024 16:00

رقم معاملات “لُوسِيبِي” وصل لـ91,27 مليار درهم فعام 2023 وخا كان انخفاض كبير فأسعار المنتجات الفوسفاطية

28/03/2024 15:30

بوليس سيدي قاسم شدو 4 فيهم واحد قاصر بانو ف فيديو هازين السيوفا وكيسبو فمؤسسات وموظفين عموميين وكيحرضو على تنفيذ اعتداءات

28/03/2024 15:20

الريح قوية مع الغبارية .. وزارة التجهيز: الشيافر فهاد المدن يردو بالهوم مزيان فالطريق

28/03/2024 14:28

واش الحكومة غاتحل الحمامات مور الشتا لي طاحت.. بايتاس لـ”گود”: على حسب كل إقليم والوضعية ديال الماء فبلادنا صعيبة ونسبة الماء لي دخلات للسدود ضعيفة

28/03/2024 14:22

تعيينات جديدة فمناصب عليا دازت اليوم فمجلس الحكومة: منهم مدير المحروقات ومدير الموارد البشرية فوزارة الخارجية

28/03/2024 14:00

“الهاكا” مسؤولة على فضيحة “مومو” مع “هيت راديو”. كيفاش تعطلات تخرج قرار فاكثر منشط عاقباتو