كود سلا //

حصل موقع “كَود” على وثيقة إدارية تتعلق بتصريح بالشرف موقع على بياض في إطار عملية إعادة الإسكان فالجماعة الترابية “عامر” التابعة لإقليم سلا.

هاد الوثيقة وغيرها كتبين حجم التسيب الإداري اللي كيسمح بهادشي.

وحسب ما وصل ل”كَود” بزاف ديال الناس كيشدو وثائق من جماعة “عامر” بطريقة لا تحترم الضوابط القانونية.

تصريح بالشرف على بياض كيتسلم للناس مقابل مبالغ مالية باش يستافدو من مشروع إعادة إسكان “ولاد العياشي” فأراضي الجموع.

تصريح بالشرف والتصديق على الإمضاء لأشخاص ماكاينينش وبعضهم متواجد خارج أرض الوطن أصبح أمرا عاديا.

هادشي كيوقع فجماعة “عامر” فسلا اللي كتعتابر أفقر جماعة فسلا، وشهدت موجة كبيرة للسكن العشوائي فأراضي الجموع بمحاذاة المطار وفوق منطقة “الفوارات” اللي تعتبر من أغنى المناطق بالمياه.

هادشي كيوقع فالجماعة المذكورة فالوقت اللي السلطات كتحارب على أكثر من واجهة للقضاء على السكن العشوائي.