كود كازا ///

توتر كبير كتعيشو هاد صباح جريدة “اخبار اليوم” ديال توفيق بوعشرين لي محكوم ب12 عام، الصحافيين وتقنيين متخلصوش واخة 4 في شهر والادارة بغات تعطيهم 50 في المية من صالير و50 ثانية من بعد.

تبركيكة لي جابت “كود” كتقول أن صحافيين وتقنيين وقفو الخدمة وطالبو باجتماع مع المسؤولين ورافضين كليا يتقسم صالير على جوج بحال الشهر لي فات. حيث داز نص صالير في 6 فبراير ونص الباقي حتال 20 في شهر.

هادشي كالعادة غادي يقولوه المحاميين التوفيق باش يعرف شنو يدير، خصوصا في ظل الأزمة لي كتعيشها المؤسسة اشهاريا من نهار تشد في الحبس.