في تقريرها السنوي.. أمنستي: استهداف المعارضين والناشطين الصحراويين في المغرب تزاد
كود الرباط//
منعات السلطات العمومية، صباح اليوم الأحد، وقفة احتجاجية نظموها بعض الرافضين لجواز التلقيح واللي جاو قلال، أمام البرلمان.
وحسب ما عاينت “كود” ، كانو شي حقوقيين من الجمعية المغربية لحقوق الإنسان كيتزعمهم الرئيس عزيز غالي، إضافة إلى بعض الإسلاميين منهم سلفيين ومواطنين عاديين، عددهم قليل بزاف مقارنة مع الهيلالة لي دايرين ف الفايسبوك.
السلطات قرات عليهم القانون المنظم لفض الاحتجاجات، وعطاتهم الإنذار ثلاثة مرات، طبعا المحتجين رفضو ينبضبطو وبداو يرفعو شعارات من قبيل “لا للتلقيح.. لا الجواز”.
و عاينت “كود” توقيف عدد من المحتجين اللي تعنتو ف التعامل مع السلطة.
بعض رجال السلطة دارو شويا الخشونة مع بعض الصحفيين، ومنهم طاقم “كود”، منهم لقطة كاينا ف المباشر حاول فيها الباشا ديال حسان يحيد تلفون الصحفي ويمنعو من التصوير بمبرر غريب..
اللي ضد جواز التلقيح اللي جاو اليوم يحتجو تصدمو حيث لقاو راسهم قلال فالواقع.
بعض الرافضين للتلقيح صرحو ل”كود” بلي هوما ضد الفاكسان حيث كاينين ناس ماتو بسبب تلقيهم الجرعات. وطالبين باش يكون الفاكسان اختياري.