نجوى المالحي-كود//
المغنية ابتسام تسكت احتافلات البارح بعيد ميلادها الـ27. الاحتفال كان مع راسها واختارت حلوة فيها ” شانيل” وحطات حداها حقائب ديال الهدايا لي وصلاتها من نفس لامارك.
ابتسام حطات بزاف ديال تصاور وهي كتبوزا مع الحلوة بالنهار وبالليل، وهادشي خلا الجمهور يضحك ويقول ليها واش الحلوة صالحة للأكل ولا غير للتصاور.
تسكت شكرات المعجبين وكلشي لي بارك ليها عيد ميلادها، وتنمات هاد العام يكون حسن من العيمان لي دازو.