كود الرباط //

من غد الاثنين غاتنقص اسعار المحروقات، ولكن على حسب كل محطة وشحال غاتنقص، فمثلا فمحطات أفريقيا غادي تنقص درهم فاللتر الواحد.

وحسب رسالة حصلت عليها “گود” من طرف فاعل في قطاع المحروقات فإن الأسعار غاتولي مور 12 ديال الليل اليوم الأحد /الاثنين كالتالي:

AFRIQUIA :

PPM 10  : – 1010.00 dh/m3 soit  – 1,01dh/L

SSP : – 750,00dh/m3 soit – 0,75 dh/L

WINXO :

PPM 10 : – 480.00 dh/m3 soit – 0,48dh/L

SSP : – 350,00dh/m3 soit – 0,35 dh/L

Vivoenergy Maroc :

S.SP: -0,75 dh/L
Diesel: -0,98dh/L
À partir de 15/08/2022
À 00:01h

الغازوال كاين لي نقص فيه درهم بحال أفريقيا، وكاين لي نقص فيه 0.48 درهم بحال وينسكو.

الانخفاض كييفسروه الفاعلين بالانخفاص فالسعر العالمي، لكن فالمغرب وقع مشكل كبير بين الشركات التوزيع وبين المحطات، خصوصا ان صحاب المحطات كيقولو بلي سواء طلع الثمن او هبط كيبقا نفس هامش الربح عكس الشركات.

هاد الصداع والحرب ديال المحروقات لي شعلات مواقع التواصل الاجتماعي، ملقاتش اي مجيب خصوصا وزيرة الانتقال الطاقي والتنمية المستدامة ليلى بنعلي لي. مقدراتش تواصل فهاد الأزمة وتعطي حلول.